El taller de
Yolanda Torres

Atelier Yolanda Torres

Andregai bakoitza ideiaz eta ametsez betetako mundu zoragarria bat da. Nire konpromisoa, prozesu osoa aurrera eramatea eta zuei laguntzea da.

Niretzat, gauzarik garrantzitsuenetakoa da zuetako bakoitzarengandik onena ateratzea, zuen estiloa eta bakoitzaren berezitasuna errespetatuz, eta zareten bezala distira egin dezazuen.

Modu berdinean egiten dugu gure lana bai andregaiekin bai gonbidatuekin. Jantzi esklusiboekin edo gure bilduma batetik aukeratutakoarekin.

Egiteko prozedura

Lehen kontaktuarekin hasten da dena. Ezkontza baino 12 bat hilabete lehenago (8 hilabete gonbidatu-soinekoa bada). Bertan, Yolanda Torresek zurekin hitz egingo du ezkontza nolakoa izango den, zure gustuei eta zure kezkei buruz, jantziari forma emateko zure esentzia bereganatuz.

Honekin eta zure siluetaren arabera, zure fisionomiari ahalik eta etekin handiena ateratzeko aukeraketa egokienak egingo dugu.

Gure diseinatzaileak zuekin eskuz egingo dituen zirriborro batzuen bidez, azken diseinua aukeratuko duzue, eta, diseinu horren bidez, zure soinekoa egingo dugu (bildumako soinekoa bada, ez kezkatu, zure izaerara moldatuko baitugu)

Diseinua aukeratu ondoren, oihal eta azken materialak aukeratuko ditugu, etorkizuneko jantziaren osagai izango direnak, lan osoa eskuz egiten hasteko.

Bigarren hitzordua ezkontza baino 5 hilabete lehenago izango da, neurriak hartzeko eta patroia zurea egokitzeko.

Hirugarren hitzordu batean, zure soinekoaren “toile” bat probatuko duzu, zure neurriak ahalik eta gehien doitzeko eta behar diren zuzenketak egiteko.

Eskotearen trazadura oso garrantzitsua da, eta andregai gehienak kezkatzen dituena. Zuzenean “toile”-aren gainean egingo dugu lan, zure fisionomiarekin bat egiteko eta ezin hobe gera dadin.

Puntu honetan, hainbat proba egin ondoren, zure soinekoaren bilakaera ikusiko duzu.

Prozesu osoan zehar, janzkerari eta haren osagarriei buruzko gauzak; burukoa, oinetakoak, beloa, lore sorta, orrazkera eta makillaje egokiena erabakitzen joango gara.

Ikusten duzunez, prozesu irekia eta aldakorra da, gure inspirazioaren eta sormenaren araberakoa.

Iritsi da azken proba, a ze urduritasuna! …

Ezkondu baino bi aste lehenago, jantziaren azken egokitzapena egingo dizugu, egun horretan eskularru gisa gera dadin.

Prozesu honetaz gozatzea espero dut. Nik zuekin egiten dudan modura!